BMT-nin Baş katibi Antoniu Quterriş Boliviyanın eks-prezidenti Janin Anyesin saxlanılması kontekstində şəffaf məhkəmə icraatının zəruriliyini qeyd edib.

Bu barədə Busaat.az TASS-a istinadən xəbər verir.

“Boliviyada keçmiş dövlət məmurları və hakimiyyətə qarşı son hüquqi hərəkətlərlə əlaqədar Baş katib lazımi hüquqi prosedurların zəmanətlərinin qorunması və bütün məhkəmə icraatlarının tam şəffaflığının zəruriliyini xatırladır”, – məlumatda deyilir.

Daha əvvəl Boliviyanın keçmiş Prezidenti Janin Anyes terrorizm, dövlət xəyanəti və cinayət sövdələşməsi ittihamı ilə saxlanılmışdı.