Afrikanın şimal-qərbində yerləşən Malidə hərbi hissələrdən birinə silahlı hücum olub.

Publika.az Anadolu agentliyinə istinadən xəbər verir ki, ölkənin şimalında yerləşən Ansanqo rayonundan 60 kilometr məsafədəki Tessit yaşayış məntəqəsində hərbi hissə silahlı terrorçuların hücumuna məruz qalıb.

Hücum nəticəsində 33 hərbi qulluqçu öldürülüb, daha 14 nəfər xəsarət alıb. Yaralılardan 8-nin vəziyyəti ağırdır.

Hücumun hansı qruplaşma tərəfindən təşkil olunduğu açıqlanmır.

Malinin Müdafiə Nazirliyi ərazidə təhlükəsizliyin gücləndirildiyini bildirib.