Rusiyanın Komi Respublikasının keçmiş daxili işlər naziri Viktor Polovnikov rüşvət ittihamı ilə hakim qarşısına çıxarılıb.

Teref.az xəbər verir ki, Sıktıvkar məhkəməsində 12 milyon rubl məbləğində rüşvət almaqda suçlanan Polovnikovun cinayəti sübuta yetirilib.

Məlumata görə, sabiq nazir külli miqdarda rüşvəti vasitəçi şəxsin əli ilə alıb. Bundan sonra aldığı rüşvəti leqallaşdırmaq üçün müəyyən maliyyə əməliyyatları həyata keçirib.

Prokurorun 13 il azadlıqdan məhrum etmə cəzası tələb etdiyi Polovnikova oktyabrın 5-də hökm oxunacaq.

(Yenicag.az)