Dünya əhalisinin sayı 2022-ci ilə qədər 7,8 milyarda çatacaq.

TEREF.AZ-ın yazdığına görə, Bizim.Media xəbər verir ki, bu barədə ABŞ Siyahıyaalma Bürosu məlumat yayıb.

Məlumata görə, 2021-ci ildə dünya əhalisi 0,9 faiz artaraq əhalinin sayını 74 milyon nəfər artırıb.

Qeyd edilib ki, 2022-ci ildə dünyada hər saniyədə 4,3 doğum və 2 ölüm hadisəsi gözlənilir.

Çin 1 milyard 439 milyon 323 min nəfərlə dünyanın ən çox əhalisi olan ölkəsi olaraq qalır. 2-ci yerdə isə onu 1 milyard 380 milyon 4 min nəfərlə izləyən Hindistan gəlir.

Bununla belə, Hindistanın 2025-ci ildə Çini geridə qoyaraq dünyanın ən çox əhalisi olan ölkəsi olaraq birinci yerə yüksələcəyi bildirilir.