Rusiyanın Qazaxıstandakı vəziyyətə hərbi müdaxiləsi yalnız prezident Qasım-Jomart Tokayevə lazımdır.

Qaynarinfo xəbər verir ki, bu barədə "Danışır Moskva” radiosunun efirində Moskva "Qazax Diasporu” Fondunun prezidenti Polat Camalov bildirib.

"Bu, xalis işğaldır. Əgər ona guya rusları müdafiə etmək adı versələr, bu, kabusa çevriləcək”, - Camalov bildirib. Onun fikrincə, Qazaxıstandakı ruslara belə bir "rus dünyası” lazım deyil və qazaxların özləri hərbi müdaxiləni təcavüz kimi qəbul edəcəklər.

Diaspor rəhbəri qeyd edib ki, Qazaxıstanda bir neçə tərəfin - Rusiya, ABŞ, Türkiyə və Çinin maraqları toqquşub. Bütün bunlar geosiyasətdir, o, buna əmindir.

Xəbər verdiyimiz kimi, KTMT-nin Rusiya, Belarus, Ermənistan, Qırğızıstan və Tacikistan birləşmələrindən formalaşan Kollektiv Sülhməramlı Qüvvələri Qazaxıstana göndərilir.