İnkişaf etməkdə olan ölkələr ABŞ-ın Federal Ehtiyat Sisteminin (FES) faiz artımına hazır olmalıdırlar.

“Margin.az” xəbər verir ki, bu barədə Beynəlxalq Valyuta Fondu məlumat yayıb.

Məlumata görə, FES-in gözləniləndən daha sürətli addım atması kapital axınına və inkişaf etməkdə olan ölkələrdə valyutanın ucuzlaşmasına səbəb ola bilər. Sözügedən ssenari ABŞ-da geniş əsaslı əməkhaqqı inflyasiyası və ya davamlı təchizat problemləri fonunda daha sürətli inflyasiya üçün gözləntilərin gücləndiyi halda baş verə bilər.

Gözləniləndən daha sürətli inflyasiya FES-i faiz dərəcələrini daha sürətli artırmağa sövq edəcək. Bu isə maliyyə bazarlarını sarsıda və qlobal miqyasda maliyyə şərtlərini sərtləşdirə bilər.