Çində keçiriləcək Qış Olimpiya Oyunlarına qatılacaq Niderland idmançılarına təhlükəsizliklə bağlı xəbərdarlıq edilib.

Yanvarın sonunda Çinə gedən idmançılardan telefon və noutbuklarını evdə qoymaları istənilib. Onlara səyahətləri zamanı istifadə etmələri üçün pulsuz telefon və kompüter veriləcək.

Həmçinin bildirilir ki, Niderland hökuməti Çindəki təhlükəsizlik şəraiti və kibertəhlükəsizlik vəziyyətini diqqətlə izləyir.

Çinin senzuranı və müxtəlif internet saytlarına girişi əngəlləmək üçün istifadə etdiyi “Qızıl Qalxan” layihəsi qeyd edilir. Bu tətbiqin olimpiada zamanı söndürüləcəyi xatırladılıb.

Olimpiada üçün Çinə gedənlərin bu yolla sosial media hesablarına daxil ola bildikləri bildirilib. Bununla belə, niderlandlı kibertəhlükəsizlik ekspertlərinin fikrincə, bu, hesabların monitorinqi riskinə də şərait yaradır.

Çindən gələn diplomatların Niderlanddan qayıdarkən telefonlarının təhlükəsizlik məqsədilə məhv edildiyi bildirilir.

Mənbə: TRT Haber