Roqozin qazax nazirə tövsiyə edir ki, Baykonura gəlməsin – “Biz onu gözləmirik”
13-01-2022, 15:21
«Roskosmos» korporasiyasının başçısı Dmitri Roqozin Qazaxıstanın informasiya və ictimai inkişaf naziri Əskər Umarova Baykonura gəlməməyi tövsiyə edib.
Bu barədə o, yanvarın 12-də özünün Teleqram-kanalında yazıb.
«Baykonur kosmodromunda biz, nazir Əskər Umarova şad olmayacağıq. Biz, orada onu gözləmirik» - Roqozin yazıb.
Əskər Umarov nazir vəzifəsinə Qazaxıstan Prezidenti Qasım-Comərd Tokayev tərəfindən yanvarın 11-də təyin olunub. Təyinat Rusiyanın media-məkanında qaynar reaksiya doğurub, necə ki, Umarov radikal millətçi-rusofob və «Böyük Turan» ideyasının qızğın tərəfdarı kimi tanınır.
Qeyd edilməlidir ki, Umarovun «Turan» tərəfdarı olması onun haqqıdır və üstəlik də onu bu baxışlarına görə qınamaq yolverilməzdir. Roqozin və onun kimi şovinistlər yaddan çıxardırlar ki, Baykonur Qazaxıstan torpağının - Umarovun doğma vətəninin bir hissəsidir.
