Makroiqtisadi göstəricilər
19-01-2022, 00:01
2021-ci ildə Azərbaycanda kənd təsərrüfatının ümumi məhsulu 2020-ci ilə nisbətən 3,4 faiz artıb (heyvandarlıq məhsulları istehsalı 2,8 faiz, bitkiçilik məhsulları istehsalı 4 faiz). Hesabatı yayan Dövlət Statistika Komitəsi həmçinin bildirir ki, ötən il yük daşınması 2020-ci illə müqayisədə 2,8 faiz, sərnişin daşınması 3,1 faiz irəli gedib, informasiya və rabitə xidmətlərinin həcmində 6,1 faiz yüksəliş qeydə alınıb.
Əhalinin gəlirlərinin nominal ifadədə 2,6 faiz artdığı, 2021-ci ildə dövlət büdcəsinə 26 milyard 419,1 milyon manat vəsaitin daxil olduğu, büdcədən 27 milyard 412,8 milyon manat vəsait xərcləndiyi vurğulanır.
2021-ci il dekabrın 1-nə bank və digər kredit təşkilatlarının kredit portfeli milli valyuta ekvivalentində 16 milyard 700,6 milyon manat, əhalinin banklardakı əmanətlərinin milli valyuta ekvivalentində məbləği 9 milyard 51,7 milyon manat göstərilib.