“Son günlər Ermənistan cəmiyyətində Soqomon Tehlirianın abidəsinin sökülməsindən getdikcə daha çox danışılır”. Bu barədə Ermənistan Milli Assambleyasının keçmiş deputatı Sofya Hovsepyan Facebook səhifəsində yazıb.

“Hökumətdən tələb: bu məlumatın həqiqiliyini təkzib edin və ya təsdiq edin!”, - o yazıb.
“İnanıram ki, bunu etmək böyük arzunuzdur, lakin müxtəlif manipulyasiyalardan istifadə edilməsin deyə, bunu açıq şəkildə söyləyin”, - eks-deputat əlavə edib.

Qeyd edək ki, Soqomon Tehlirian 1921-ci ildə Osmanlı İmperiyasının Daxili İşlər Naziri Təlat Paşanı onlarla insanın gözü qarşısında “erməni soyqırımı” iddiası ilə güllələyən erməni terrorçudur.