Hindistanın Kerala ştatında futbol matçında stadionun tribunasının uçması nəticəsində 200-dən çox insan xəsarət alıb.

KONKRET.az “The Sun”a istinadla xəbər verir ki, onlardan ən az beş nəfər ağır yaralanıb.

Tribunanın çökməsindən sonra tamaşaçılar arasında çaxnaşma başlayıb. Projektorun da yıxılması qığılcımların sıçramasına səbəb olub.

Nəşrin məlumatına görə, müvəqqəti stend 3,5 min tamaşaçı üçün nəzərdə tutulsa da, ora demək olar ki, səkkiz min nəfərin daxil olmasına icazə verilib.

Hüquq-mühafizə orqanlarının məlumatına görə, insident şənbə günü yerli vaxtla saat 21:00-da (Bakı vaxtı ilə 19:30) Malappuram şəhərində baş verib.
Yaralılar xəstəxanaya yerləşdirilib.

Hadisənin başqa təfərrüatları açıqlanmayıb.