Kiyevətrafı ərazilərin işğalı zamanı insanları xilas edən Qazaxıstan vətəndaşı ruslar tərəfindən uşağın zorlanması ilə bağlı dəhşətli hadisəni danışıb.

KONKRET.az xəbər verir ki, Kanal 24-ə müsahibə verən Konstantin Kyastutisoviç Vorzeldə rusların 15 yaşlı qıza təcavüz və təhqir etdiyini bildirib. Bundan başqa, 14 yaşlı qardaşı uşağın gözü qarşısında öldürülüb, anası isə güllələnib. Qadın iki gün qan itirdikdən sonra ölüb. Qızın özü on gün zirzəmidə saxlanılıb.

“Uşaq mənə bütün olanları danışanda iki gün yata bilmədim. Ertəsi gün Vorzelə getmədim, sadəcə ağladım. 21-ci əsrdə insanların bunu edə biləcəyini təsəvvür edə bilməzdim. 20 yaşlı ruslar içkili halda qızı ələ salıb, zorlayıb, telefonla çəkiblər. Ukraynaya olan bütün nifrətlərini əslində bu 15 yaşlı qızın üzərində göstəriblər”, – deyə Kyastutisoviç əlavə edib.