“Apple” şirkəti “Sony” tərəfindən bir neçə müddət bundan öncə təqdim edilmiş Lytia adlı yeni kamera brendi ilə əməkdaşlıq edəcək.

Bizim.Media xəbər verir ki, əməkdaşlıq növbəti nəsil “iPhone” smartfonlarının yeni kamera sensorları ilə təchiz olunmasını nəzrdə tutur.

Bu isə öz növbəsində məşhur smartfonların foto çəkmə imkanlarını genişləndirməyə imkan verəcək.

Məlumata əsasən “Sony” şirkətinin Lytia brendi altında hazırladığı yeni növ kamera sensorları bazarda artıq mövcud olan həllər ilə müqayisədə təsvirin hər bir pikselində dolğunluq səviyyəsini 2 dəfə yüksəldəcəklər.

“iPhone” 15 smartfonlarının Lytia brendinin kameralarını əldə edəcək ilk smartfonlar olub-olmayacaqları məlum deyil.