London polisi cümə axşamı Rusiya səfirliyinin qarşısındakı yolu sarı və mavi boya ilə boyayan 4 nəfəri saxlayıb.

Məlumata görə, Britaniyanın siyasi etiraz qruplarından birinin üzvləri təxminən 500 kvadratmetr əraziyə Ukrayna bayrağını çəkiblər.

İnternetdə yayılan videolardan görünür ki, fəalların bir qismi təkərli arabalarla yola boya töküb, digərləri isə onu fırçalarla yayıblar.

Aksiya fevralın 24-nə təsadüf edən Rusiyanın Ukraynaya hərbi müdaxiləsinin ildönümünə həsr olunub.