Sevastopolda quru dokda (gəmilərin tikintisi, təmiri və saxlanması üçün mühəndis infrastrukturu) zədələnmiş "Minsk" böyük desant gəmisinin ilk fotoşəkili yayılıb.

Bakupost.az UNİAN-a istinadən xəbər verir ki, hücum nəticəsində gəminin üst quruluşu tamamilə dağıdılıb.

"Aydındır ki, bu gəmini unuda və Rusiya donanmasının geridönməz itkiləri siyahısına əlavə edə bilərsiniz", - deyə UNİAN-ın Teleqraqm kanalı yazıb.

Qeyd edək ki, dünən Ukrayna ordusu Sevastopola raket hücumu gerçəkləşdirib. Hücum nəticəsində təmirdə olan iki gəmi - "Minsk" böyük desant gəmisi və "Rostov" dizel-elektrik sualtı qayığı sıradan çıxarılıb.