2023-cü ilin yanvar-noyabr aylarında Almaniyaya 325 mindən çox sığınacaq müraciəti edilib. Bu, ötən ilin müvafiq dövrü ilə müqayisədə 60 faiz artım deməkdir.

Bu barədə yerli KİV məlumat yayıb.

Müraciətlərin əksəriyyəti Suriya (97,2 min), Türkiyə (56,7 min), Əfqanıstan (50,3 min), İraq (11,5 min) və İran (9,7 min) vətəndaşlarından olub. Eyni zamanda, almanların əksəriyyəti müsəlman ölkələrindən olan mühacirlərin ölkəyə qəbulunun dayandırılmasının tərəfdarıdır.

Həmçinin, sığınacaq üçün Gürcüstan (8,9 min) və Rusiya (8,4 min) vətəndaşlarından müraciətlər daxil olub.
Hazırda Almaniya hakimiyyəti miqrasiya axınının məhdudlaşdırılması imkanlarını fəal şəkildə müzakirə edir. Berlin hər gün qaçqınlara 1,5 milyon avrodan çox pul xərcləyir.

Qeyd edək ki, Almaniya miqrantların sayında son həddə çatdığını bəyan edib.

Mənbə: Der Spiegel