Azərbaycan Yazıçılar Birliyinin idarə heyətinin üzvü, gənc və istedadlı şair Elşad Barat təmsul olunduğu qurumun ləğvini tələb edib.

Yenisabah.az xəbər verir ki, tanınmış şair bu bəyanatla özünün “Facebook” hesabında çıxış edib. O, AYB-nin yenilənməyə ehtiyacı olduğunu bildirib.

“Azərbaycan ədəbiyyatında (ədəbi mühitdə) bu qədər haqsızlıq, bu qədər ədalətsizlik, bu qədər nizamsızlıq varsa, deməli, bu sahənin bir ciddi quruma ehtiyacı var. Məncə, mənim də idarə heyətinin üzvü olduğum Azərbaycan Yazıçılar Birliyi ləğv olunmalı, yeni bir nizamlı, ədalətli qurum yaradılmalıdır” , - deyə yazar qeyd edib.

Elşad Barat bildirib ki, problem Yazıçılar Birliyinin indiki rəhbərliyində yox, qurumun idarəçilik mexanizmindədir.