Ən şiddətli döyüşlər indi Donetsk vilayətinin Çasovoy Yar bölgəsində gedir. Rus qüvvələri şəhər ərazisində hücum əməliyyatlarını artırmaq əmri alıb.

Axar.az xəbər verir ki, bunu ukraynalı hərbi-siyasi şərhçi Aleksandr Kovalenko deyib.

Onun sözlərinə görə, şəhər ərazisində vəziyyət mürəkkəb və gərgindir.

“Bura bütün təmas xətti boyunca ən qaynar nöqtədir, çünki şəhər Rusiya qüvvələri üçün son dərəcə vacib yerdir. Çasovoy Yar regionun ən hündür nöqtəsidir. Buna görə də düşmən mayın ikinci yarısından şəhərə qarşı hücum əməliyyatlarını artırmaq əmri aldı”.