Fransua Ollandın Fransa prezidenti olarkən aktrisa Jüli Qaye ilə gizli şəkildə romantik görüşlərə getdiyi skuteri hərracda öz dəyərindən iki dəfə baha qiymətləndirilib.

Məlumata görə, prezidentin skuteri 20,5 min avroya satılıb. Alıcı Jalledə (Fransanın qərbi) şəxsi avtomobil muzeyinin sahibi Deni Breere olub. Skuterin yeni sahibi onu hər kəsin görməsi üçün sərgiyə qoymağa hazırdır.

"Bu skuter Fransa tarixinin bir hissəsidir", - o bildirib.

Fransada qalmaqallı xəbərləri ilə tanınan "Closer" jurnalı 2014-cü ildə Ollandın Qayenin evinə gizli səfərləri ilə bağlı məqalə dərc edib. Nəşr aktrisanın Yelisey sarayının yaxınlığındakı mənzilinin kənarında çəkilmiş bir sıra fotoşəkilləri dərc edib. Şəkillərdə üzünü motosiklet dəbilqəsi ilə gizlədən adam görüntülənib. Nəşr prezidentin əvvəllər rəsmi tədbirdə geyindiyi ayaqqabıları müəyyən etdikdən sonra həmin şəxsin Olland olduğu qənaətinə gəlib. Fotoda həmçinin Fransanın birinci şəxsinin mühafizəçilərindən biri də olub.

2022-ci ilin iyununda eks-prezident səkkiz illik münasibətdən sonra Qaye ilə evlənib. Ollandın "Seqolen Ruayal" Sosialist Partiyasının üzvü olan qadından nikahdan kənar dörd övladı var.


Mənbə: AFP