Dünyanın ən böyük və ən qədim aysberqi A23a, suitilərin və pinqvinlərin məskəni olan ucqar Britaniya adası Cənubi Corciya yaxınlığında quruya çırpılıb.

Bu barədə BBC məlumat verib.

Nəşr yazır ki, aysberq böyük ehtimalla gələcəkdə adanın cənub-qərb sahillərində parçalanmağa başlayacaq. Balıqçılar böyük buz parçaları ilə mübarizə aparacaqlarından qorxurlar. Bundan əlavə, parçalanma ərazidə qidalanan makaron pinqvinlərinə də təsir edə bilər.

Antarktika alimləri buzun çoxlu miqdarda qida maddəsi olduğunu və əriməsinin okean həyatının korlanmasına səbəb ola biləcəyini deyirlər.

Britaniya Antarktika Tədqiqatının professoru Nadin Conston deyib ki, bu, cansız səhranın ortasına qida bombası atmağa bənzəyir.

Mütəxəssislər bildirirlər ki, aysberq parçalanarsa, onun parçaları yerli cərəyanlarda üzən gəmilər üçün təhlükə yarada bilər və gəmilərin yerli balıqçılıq ərazilərinə çıxışını məhdudlaşdıra bilər.