“SpaceX”, təhlükəsizlik tədqiqatçılarını “Starlink” sistemlərindəki potensial boşluqları aşkara çıxarmaq üçün mükafat proqramı çərçivəsində sınaq aparmağa təşviq edir.

Trend xəbər verir ki, proqramın nəticələrinə əsasən, son aylarda ümumilikdə 43 təhlükəsizlik zəifliyi müəyyən edilib və son üç ay ərzində tədqiqatçılara hər boşluq üçün orta hesabla 913,75 dollar ödənilib.

Proqramın əsas məqsədi həm genişlənən istifadəçi bazasının məxfiliyini qorumaq, həm də 7000-dən çox peyklə fəaliyyət göstərən “Starlink” şəbəkəsinin sabitliyini möhkəmləndirməkdir.

“SpaceX”, aşkarlanan zəifliklər üçün mükafat məbləğini onların ciddiliyinə və potensial təsirinə əsasən ayrıca qiymətləndirir.

Qeyd edək ki, “SpaceX” bu proqram çərçivəsində maksimum 100.000 dollar mükafat vəd edir.