Xabarovsk şəhərinin sakini Lyubov Praxova Ukraynaya casusluq etdiyi üçün 15 il azadlıqdan məhrum edilib. Eyni zamanda, 26 yaşlı qadın terrorçu təşkilatın fəaliyyətində iştirak etməkdə də təqsirli bilinib.

32gun.az Rusiya mediasına istinadən xəbər verir ki, bu barədə Rusiya Baş Prokurorluğu məlumat yayıb.

İttiham aktına əsasən, 2024-cü ilin mart ayında Praxova "Rusiya Könüllü Korpusu" (Rusiyada qadağan olunmuş terrorçu təşkilat) nümayəndələri ilə əlaqə saxlayaraq əməkdaşlıq etmək istədiyini bildirib.

Daha sonra o, Ukraynanın xüsusi xidmət orqanlarına bir hüquq-mühafizə əməkdaşının məlumatlarını və şəhərdəki hüquq-mühafizə orqanlarının inzibati binasının yerini verib.

Praxova cəzasını ümumi rejimli koloniyada çəkəcək. İş 1-ci Şərqi Hərbi Məhkəmədə araşdırılıb.