Günün ilk yeməyi orqanizmin enerji balansı üçün böyük əhəmiyyət daşıyır. Foodinfo.az bildirir ki, endokrinoloq Alina Trofimova “Səhər Sağlamlığı” proqramında səhər yeməyinin vacibliyindən danışıb. Onun sözlərinə görə, səhər yeməyini atlayan insanlarda maddələr mübadiləsi yavaşlayır və çəki artımı riski yüksəlir.Trofimova qeyd edir ki, səhər yeməyi qan şəkərinin sabit qalmasına və gün ərzində toxluğun daha uzun müddət davam etməsinə kömək edir. Xüsusilə zülal və liflə zəngin səhər menyuları daha effektiv hesab olunur. Mütəxəssis tövsiyə edir ki, səhər yeməyində yumurta, pendir, tam buğda çörəyi və tərəvəzlərə yer verilməlidir.Şirin qidalardan uzaq durmaq isə qan şəkərinin dalğalanmasının qarşısını alır. Uzun müddət ac qalmaq kortizol hormonunun yüksəlməsinə və stressə səbəb ola bilər. Bu isə həm emosional, həm də fiziki sağlamlığa mənfi təsir göstərir.