İsrail ordusunun polkovnik-leytenantı və F-16 qırıcı pilotu “Müharibə Zonası” proqramına verdiyi müsahibədə İran hədəflərinə qarşı həyata keçirilən hava əməliyyatlarının təfərrüatlarını açıqlayıb.
Təhlükəsizlik səbəbindən adı gizli saxlanılan pilot bildirib ki, əməliyyatı zamanı F-16 və F-35 qırıcıları arasında yüksək koordinasiya təmin olunub. Onun sözlərinə görə, F-35 təyyarələri əsasən kəşfiyyat və istiqamətləndirmə funksiyalarını yerinə yetirib və F-16 ekipajlarına daxil ola bilmədikləri kritik məlumatları ötürüb.
“F-35 qırıcıları raket təhdidlərini qabaqcadan aşkar edən texnologiyalara sahibdir. Onlar bizə deyə bilər ki, hansı tip raketlə üz-üzə qala bilərsiniz. Bu isə əməliyyatların uğurla başa çatmasına ciddi təsir edir”, - deyə, pilot bildirib.
O, qeyd edib ki, bütün əməliyyatlar ərzində İsrail qırıcılarına qarşı bir dənə də olsun zenit raketi atılmayıb. (Euronews)