"Aztikintiyol” MMC məhkəməyə verilib.

Qaynarinfo xəbər verir ki, iddiaçı "Asfil” MMC-dir. İş Bakı Kommersiya Məhkəməsinin hakimi Aytən Əliyevanın icraatındadır. İşin mahiyyəti alqı-satqı üzrə mübahisələrdən ibarətdir.

"Aztikintiyol” MMC 29 mart 2010-cu ildə qeydiyyata alınıb. Nizamnamə kapitalı 100 AZN olan şirkətin qanuni təmsilçisi Mənüçöhr Əhədpur Xangah Əli oğludur.

Əhədpur Xangah tanınmış iş adamıdır. O, föqvqəladə hallar naziri Kəmaləddin Heydərova yaxın şəxs sayılır.

Bəzi iddialara görə, nazirin biznes imperiyasını əsasən Əhədpur Xangah idarə edir. Onların həmçinin ortaq bizneslərinin olduğu da deyilir.
Bakıda fəaliyyət göstərən "Dominos Pizza”nın da sahibi odur.

"Asfil” MMC-yə gəlincə, şirkət 2003-cü ildə yaradılıb. "Asfil” MMC-nin veb-səhifəsində yerləşdirilən məlumata görə, şirkət yarandığı gündən bü günə kimi davamlı olaraq filter sektorunda fəaliyyət göstərir.