"Marvel Studios"un prezidenti Kevin Fayqi bildirib ki, 2027-ci ildə nümayişi planlaşdırılan "Qisasçılar: Məxfi müharibələr" filmindən sonra Marvel Kinematoqrafiya Kainatında yeni simalar peyda olacaq.

Bu barədə "Variety" nəşri məlumat yayıb.

Fayqinin sözlərinə görə, növbəti filmlərdə məşhur obrazları başqa aktyorlar canlandıracaq. Xüsusilə, Toni Stark (Dəmir Adam) və Stiv Rocers (Kapitan Amerika) rollarında dəyişiklik ediləcək.

O həmçinin təsdiqləyib ki, illərlə davam edən gecikmələrə baxmayaraq, "Bleyd" filmi üzərində işlər davam edir. Qeyd edək ki, layihə ilk dəfə 2019-cu ildə elan edilsə də, hələ də tam başa çatmayıb.