Milli Məclisin deputatı Ülvi Quliyevin başı cəncəldədir
Bu barədə verilən məlumatda bildirilir.
Ümumdünya Şotokan Karate Federasiyasının vitse-prezidenti olan millət vəkilinin adı “Təfəkkür” universiteti işinə qarışıb.
Belə ki, federasiyanın Azərbaycandakı nümayəndəsi Renad Əliyev narkotik ittihamı ilə saxlanılıb. R.Əliyevin nümayəndə kimi təqdimatını isə federasiyanın vitse-prezidenti Ü.Quliyev verib.
Bu həbs deputatı qeyri-müəyyən bir çaşqınlıq içərisinə salıb. Onun bu vəzifəyə niyə məhz R.Əliyevi təyin etməsinin səbəbləri təftiş olunur.
R.Əliyev “Təfəkkür” universitetinin keçmiş prorektoru Riyad Əliyevin qardaşıdır. Riyad Əliyev Almaniyada sığınacaq tapıb və ölkə rəhbərliyinə qarşı olmazın təhqirlər, böhtanlar yazır.
Belə bir şəxsin, yəni Azərbaycanın dövlət rəhbərliyinə qarşı kin, nifrət püskürən, axtarışda olan prorektorun qardaşını vəzifəyə təyin etməkdə Ü.Quliyevin hansı siyasi iradəsi və dayağı olub?!
Hər halda bu təyinatın deputatın başına böyük bir bəla açacağı görünür.
R.Əliyev Avropadan Azərbaycana qarşı şər-şəbədə yazan, prezidenti və ölkənin nüfuzlu siyasi xadimlərini ləkələmək istəyən biri kimi tanınır. İnterpolun dələduz kimi axtarışında olan şəxsin qardaşı isə deputat tərəfindən vəzifəyə qaldırılır.
Xatırladırıq ki, “Təfəkkür” Universitetinin rektoru Müşfiq Atakişiyev vəzifəsindən azad olunub.
Universitetdən verilən xəbərə görə, professor Müşfiq Atakişiyev universitetdə keçirilən tədbirdə öz xahişi ilə rektor vəzifəsindən azad olunduğunu kollektivə çatdırıb.
O bildirib ki, səhhəti ilə əlaqədar işdən azad olunmağı üçün universitetin təsisçisinə müraciət edib və xahişi rəhbərlik tərəfindən nəzərə alınıb.(politika.az)
teref.az olaraq qarşı tərəfin fikirlərini dinləməyə hazırıq!arşı tərəfi dinləməyə hazırıq.