AZAL barədə bu günədək nə mediada, nə sosial şəbəkələrdə bircə dəfə sərnişin məmnunluğunu göstərən yazıya rast gəlinməyib. Səbəbsə bəllidir, bazarda yeganə daşıyıcı olduğundan saymazyana inhisarçılıq "rəqabət" deyilən bir şeyi yerli-dibli "menyu"dan çıxarıb.

Budur, növbəti sərnişin etirazı sosial şəbəkəni silkələyir. Tanınmış hüquqşünas, Konstitusiya Araşdırmaları Fondunun rəhbəri, Prezident yanında Əfv Məsələləri Komissiyasının üzvü Əliməmməd Nuriyev də gecənin bir aləmində AZAL-ın xidmətindən "məmnun"luğunu bu cür ifadə edib:

"Hava limanındayıq. gecə saat 3.57.
Böyük növbə olmasına baxmayaraq AZAL - ın təhlükəsizlik yoxlaması yalnız bir keçiddən sərnişinləri yoxlayaraq buraxır. Halbuki daha 5 keçid boşdur. Soruşanda deyirlər rəhbərliyə müraciət edin."Bu da müştəri məmnunlugu". Görünür buranı da ASAN Xidmətə verməyin vaxtı çatıb".