“Crocus Group”un prezidenti Araz Ağalarov Rusiyanın RBK telekanalına müsahibə verib.

KONKRET.az xəbər verir ki, azərbaycanlı iş adamı işinin hazırkı vəziyyəti barədə danışıb.

“Hazırda belə bir vəziyyət yaranıb. Ofisdə kiçik bir gəminin kapitanı kimi oturub onun batdığını izləyirəm. Mən heç nə edə bilmərəm, ona heç bir şəkildə təsir göstərmək mümkün deyil ”, – deyə Ağalarov qeyd edib.

Ağalarovun sözlərinə görə, “Crocus Group”da 15 min nəfər çalışır və 2 min nəfərin çalışdığı “Sizin eviniz” mağazalar şəbəkəsi istisna olmaqla qrupun bütün obyektləri bağlanıb:

“15 min nəfərlik bir gəmi sadəcə bir fürsət vermədikləri üçün suyu belə çıxara bilməyən gəmi kapitanının gözü önündə yavaş-yavaş batır”.

“Crocus Group”un 2018-ci il üçün gəliri 60 milyard rubl təşkil edib. Qrup sahəsi 1.5 milyon kvadrat metrdən çox olan ticarət daşınmaz əmlakını idarə edir. “Crocus Group”un portfelinə alış-veriş və sərgi mərkəzləri, akvarium, restoran və fitness klubları daxildir.

Qrupa Mərkəzi Dairəvi Yolu quran podratçı şirkətlər də daxildir.

Ağalarovun sözlərinə görə, qrup şirkətləri tərəfindən ödənilən aylıq əmək haqqının həcmi demək olar ki, 1 milyard rubl təşkil edir: “Bu pulumuzun bir hissəsi var və əlbəttə ki, mart ayında da ödəyəcəyik, amma deyək ki, aprel ayı üçün pulumuz yoxdur”.

İş adamı qeyd edib ki, yeni kreditlər səbəbindən iş daha bir ay uzada bilər: “Ancaq sonra nə olacağını belə başa düşmürəm”.

“Qrup heyəti saxlamaq niyyətindədir” deyib Ağalarov.