Ukraynanı işğal etmək istəyən Rusiya Prezidentinin iqtisadi məsələlər üzrə keçmiş məsləhətçisi Andrey Illarionov Putinin dayandlrılmasının tək yolunun olduğunu açıqlayıb.

Mia.az xarici mətbuata istinadla bildirir ki, o, Putini dayandırmağın yeganə yolunun dirənmək, müqavimət göstərmək olduğunu deyir: "Tək yol budur: ona qarşı dirənmək. Ukraynalılar bu ana qədər qəhrəmancasına dirənir və bunu davam etmələri gərəkdir".

Keçmiş məsləhətçi Putinin Ukrayna savaşına girməklə çox şeyi itirdiyi barədə deyilənlərə də toxunub: "Putinin itirdiyni deyənlər, bu barədə rəy verənlər yanılır. Bu, yanlışdır. Putin hər şeyin dəqiq hesabını tutan, hədəfinə kilidlənən adamdır. Ağlını itirmiş deyil, Avropa liderləri bu məsələdə yanılırlar".