Ukrayna prezidenti Volodimir Zelenskinin həyat yoldaşı Yelena Zelenskaya “The Economist”ə müsahibəsində bəyan edib ki, ərinin daha bir müddətə prezident seçilməsini istəmir.

Ukraynanın birinci xanımı ilə müsahibənin fraqmentləri nəşrin gündəlik podkastında dərc olunub.

Sentyabrda alınan müsahibdə Zelenskaya qeyd edib ki, o, Ukraynanın Rusiya ilə müharibədə qalib gələcəyinə əmindir.
Onun sözlərinə görə, məhz qələbədən sonra ailəsi yenidən bir yerdə olacaq və həyat yoldaşı ilə gələcək həyatlarını necə yaşayacaqlarına qərar verəcəklər.