Birləşmiş Ştatlar noyabrda "Skripal işi" ilə bağlı Rusiyaya qarşı yeni sanksiyaların tətbiq edilməsinə dair hələ qərar qəbul etməyib.

“Report” TASS-a istinadən xəbər verir ki, bunu çərşənbə axşamı Moskvada keçirilən mətbuat konfransında ABŞ prezidentinin milli təhlükəsizlik üzrə köməkçisi Con Bolton deyib.

"Hələ ki, onu deyə bilərəm ki, bu məsələ ilə bağlı yekun qərar qəbul edilməyib", - deyə o bildirib.

Bundan əvvəl Avropa İttifaqına üzv olan 28 ölkənin xarici işlər nazirləri kimyəvi silahların yaradılması və tətbiqinə görə məsuliyyət daşıdığı ortaya çıxan hüquqi və fiziki şəxslərə qarşı sanksiya tətbiqinin yeni prosedurunu təsdiq edib.