ABŞ prezidenti Donald Tramp ABŞ siyasətçilərinə göndərilən partlayıcı maddələrlə bağlı bildirib ki, amerikalıların təhlükəsizliyi onun əsas prioritetidir.

“Report” RİA "Novosti"yə istinadən xəbər verir ki, prezident hüquq-mühafizə orqanları və administrasiya üzvlərinin baş verənlər barədə onu məlumatlandırdıqlarını və faktlarla bağlı araşdırmaların aparıldığını deyib.

"Amerikalıların təhlükəsizliyi mənim üçün əsas və mütləq prioritetdir", - deyə ABŞ prezidenti bildirib.

Bir neçə gün ərzində CNN teleşirkətinin yerləşdiyi binaya, sabiq prezident Bill Klintonun evinə və məşhur milyarder Corc Sorosa içində partlayıcı olan bağlama göndərilib.