Fransa höküməti "Vigipirate" antiterror fəaliyyəti planı üzrə təhlükə səviyyəsi uzaldılıb.

Trend-in məlumatına görə, bu barədə Fransa hökümətinin "Twitter" səhifəsində yerləşdirilən məlumatda deyilir.

Məlumatda bildirilir: "Bu gün "Vigipirate" planı ölənin bütün ərazisi üzrə "Gücləndirilmiş təhlükəsizlik tədbirləri - Terror aktı təhlükəsi" səviyyəsinə keçir. İnsanların kütləvi toplaşdıqları yerlər güclü nəzarət və mühafizə altında olacaq".

Xatırladaq ki, dekabrın 12-si 29 yaşlı Şerif Şekat Strasburq şəhərində milad yarmarkasında insanlara atış açıb. Hadisə nəticəsində 3 nəfər həlak olub, 13 nəfər isə yaralanıb. Dekabrın 13-ü axşam saatlarında Fransanın hüquq-mühafizə orqanlarının əməkdaşları atəş açan şəxsin gizləndiyi yeri təyinediblər. Xüsusi əməliyyat zamanı Ş.Şekat silahlı müqavimət göstərib və polis tərəfindən zərərsizləşdirilib.

Silahlı hücuma görə cavabdehliyi İŞİD terror qruplaşması öz üzərinə götürüb.