Kanadanın xarici işlər naziri Xristya Friland bildirib ki, ölkəsi Çin məhkəməsinin narkotik qaçaqmalçılığına görə ölüm hökmünə məhkum etdiyi kanadalı Robert Lloyd Şellenberq üçün rəsmi olaraq əfv istəyib.

“Report” xəbər verir ki, bu barədə CTV məlumat yayıb.

"Biz artıq Çinin Kanadadakı səfiri ilə danışmışıq və əfv istəmişik", - deyə nazir bildirib.

O həmçinin qeyd edib ki, Pekinlə bu məsələ ilə bağlı dialoq vacibdir, yaranmış vəziyyət isə Kanada və Çin arasındakı münasibətlərə ciddi təsir edir.

"Bu, bizim Çinlə münasibətlərimizdə yaranmış çətin məqamdır", — deyə o bildirib.