“Nüvə təhdidi Rusiya Prezidenti Putinin arsenalında qalan son silahdır”.

Cebhe.info xəbər verir ki, bunu CNN telekanalına müsahibəsində Ukraynanın xarici işlər naziri Dmitri Kuleba deyib.

“Düzünü desəm, mən hesab edirəm ki, nüvə silahı qorxusu Putinin son arqumentidir... O, bütün digər arqumentləri tükətdi”, - deyə o bildirib.

Kuleba qeyd edib ki, Rusiya ordusu Ukraynada öz strateji məqsədlərinə nail ola bilmir və Rusiya Federasiyasının gücü sarsılıb. Bununla belə, o əmindir ki, Putin öz həyatını həddən artıq sevir.

“Qərb Putinlə nüvə silahı qorxusu oyunu oynamaq qərarına gəlsə, böyük səhv edəcək”, - deyə nazir əlavə edib.

Eyni zamanda, Ukrayna Zaporojye atom elektrik stansiyasındakı vəziyyətdən narahatdır.

“Əlbəttə ki, onlar başqa bir nüvə fəlakətinə görə günahlandırılmaq istəmirlər. Buna görə də düşünürəm ki, onlar bunu yalançı bayraq əməliyyatı kimi və ya birbaşa onlara aid olmayan başqa bir şey kimi həyata keçirmək üçün yol tapmaqda çətinlik çəkirlər”, - Kuleba əlavə edib.