Bir çox ölkələr öz müstəqilliklərini və suverenliyini müdafiə edərək Qərbə qarşı mübarizəyə qoşulublar.

Axar.az xəbər verir ki, bunu Belarus müdafiə naziri Viktor Xrenin deyib.

“Bu gün bu mübarizə Ukrayna ərazisində Qərblə Şərqin qlobal qarşıdurması ilə nəticələnib. Eyni zamanda, orada baş verən proksi müharibə əslində planeti Üçüncü Dünya müharibəsinin astanasına gətirib. Qərbi genişmiqyaslı müharibəyə başlamaqdan saxlayan yeganə şey nüvə təhlükəsidir. Təsadüfi deyil ki, Belarus taktiki nüvə silahlarının öz ərazisinə qaytarılmasını strateji çəkindirmənin effektiv amili hesab edir. Gələcəkdə NATO ilə birbaşa hərbi toqquşma ehtimalı çox açıq görünür”, - Xrenin bildirib.