Britaniya Müdafiə Nazirliyi xəbər verir ki, Rusiya Prezidenti Vladimir Putin və keçmiş prezident Dmitri Medvedev Britaniya nazirliyinin “Rusiya əhalisinin zehninə anti-qərbçiliyi aşılamaq və onun yaxın qərb qonşularını qorxutmaq məqsədi daşıyan tarixin silahlanması” adlandırdığı sənədlər yayıblar.

Britaniya Müdafiə Nazirliyi şənbə günü Ukrayna ilə bağlı kəşfiyyat məlumatında bildirib ki, Putinin dərc etdiyi sənədlər “Ruslar və ukraynalıların tarixi birliyi haqqında” adlı 242 sənəd toplusudur. 11-ci əsrdən 20-ci əsrə qədər zamanı əhatə edən sənədlər Putinin Kremlin hazırkı Ukrayna siyasətinə haqq qazandırmaq cəhdidir və onlara prezidentin “təfsiredic şərhləri” daxildir.

Medveden yazısı isə Britaniya nazirliyinin sözlərə görə onun “guya” Rusiya-Polşa münasibətlərinin tarixi haqda “yazdığı” məqalədir. Britaniya nazirliyinin məlumatına görə o, Polşanı “aqressiv revizionist rusofobik siyasətlə” məşğul olmaqda ittiham edir və Polşanı hərbi hücumla hədələyir.

Zelenskidən nikbinlik

Rusiyanın ölkəsinə hərbi müdaxiləsinə qarşı mübarizə aparan Ukrayna Prezidenti Volodimir Zelenski cümə günü Paris Sülh Forumunda nikbin nitqlə çıxış edib.

“Məhz sülhü həqiqətən qiymətləndirən hər kəsin əməkdaşlığı və birliyi fəlakətlərin qarşısını ala və xalqların iztirablarını dayandıra bilər. Bu məsələdə hər bir xalq əhəmiyyətlidir,” o, cümə günü deyib. "Bunu xatırlamaq vacibdir."

Onun sözlərinə görə, “dünyada hər kəs adına nəyə isə guya qərar verə bilən “heç bir böyük millət” yoxdur… “Bütün millətlər bərabərdir və hər bir xalq hörmətə layiqdir,” Ukrayna lideri bildirib.

Aİ-nin Ukraynaya yardımı

Bu arada isə Avropa İttifaqı ölkələri Rusiyanın hərbi müdaxiləsinə qarşı sərt hərbi kampaniyası davam etdiyi üçün Ukraynaya uzunmüddətli 21,4 milyard dollarlıq hərbi yardım ayırmaq barədə ehtiyatlı davranırlar.

Aİ-nin müdafiə nazirləri ötən iyul ayında Aİ-nin xarici siyasət rəhbəri Cosep Borrell tərəfindən təklif edilən planı çərşənbə axşamı Brüsseldə müzakirə etməyə hazırlaşır. Ancaq diplomatlar deyirlər ki, Almaniya da daxil olmaqla bir çox ölkə Ukraynanın müdafiəsini gücləndirmək üçün Qərbin daha geniş təhlükəsizlik öhdəliklərinin bir hissəsi kimi dörd il ərzində hər il 5 milyard dollara qədər vəsait ayırmaq barədə şübhələrini dilə gətiriblər.

Birliyin diplomatik xidmətinin məlumatına görə, Aİ artıq 26 milyard dollar dəyərində silah və avadanlıq şəklində yardım edib. “Almaniyanın çoxlu sualları olub... və haqlı olaraq. Söhbət çoxlu puldan gedir,” adının açıqlanmasını istəməyən yüksək səviyyəli diplomat deyib.