Ermənistanın siyasi məkanında Azərbaycan və Türkiyə “agentləri”nin axtarışı davam edir.

“AzPolitika” xəbər verir ki, bu dəfə Ermənistanın sabiq xüsusi tapşırıqlar üzrə səfiri, “İşıqlı Ermənistan” Partiyasının sədri Edmon Marukyan özünün “YouTube” səhifəsində Ermənistandakı çıxışları ilə ölkəni “qan tökməyə” aparan “Azərbaycan və Türkiyənin hibrid agentləri”ndən bəhs edib.

Söhbət bloger Artyom Çibuxçyan və sosioloq Karen Sarkisyandan gedir.

“Ermənistanın media məkanında “kollektiv Qərb” adı altında yalan və manipulyasiya yolu ilə Türkiyə və Azərbaycanın maraqları lobbiləşdirilir. Bu insanların Qərb dəyərləri və institutları ilə heç bir əlaqəsi yoxdur. Bunlar düşmənin adi lobbiçiləridir” – deyə, Edmon Marukyan bildirib.

Marukyan konkret olaraq bu adamların hansı çıxışları ilə Azərbaycan və Türkiyə agentləri olduqlarını göstərdikərini deməyib.