Ukraynanın Rusiyaya qarşı müharibədə "qələbə planı" müttəfiqlərin bu il qəbul edəcəyi sürətli qərarlardan asılıdır. Bunu prezident Volodimir Zelenski cümə günü Avropa Komissiyasının sədri Ursula Von Der Leyenin səfəri zamanı deyib.

Zelenski Von Der Leyenlə birgə mətbuat konfransında deyib ki, Ukrayna Avropa İttifaqının təklif etdiyi bir neçə milyard dollarlıq kreditdən hava hücumundan müdafiə, enerji və yerli silahların istehsalı üçün istifadə etməyi planlaşdırır.

Zelenski ABŞ prezidenti Co Baydenin qələbə planına münasibətdə əhəmiyyətini vurğulayıb və iki liderin görüşdükləri zaman bunu müzakirə edəcəyini bildirib. Ukrayna lideri gələn həftə ABŞ-a səfər edəcək.

"Plandakı qərarların çoxu konkret olaraq ondan (Baydendən) asılıdır. Digər müttəfiqlərdən də asılıdır, lakin bəzi məqamlar var ki, bunlar ABŞ-ın xoş niyyətindən və dəstəyindən asılıdır" - deyə, Zelenski bildirib.

Zelenski planın hazırlanması ilə bağlı mütəmadi olaraq yeni əlavələri təqdim etsə də, məzmunu ilə bağlı çox az məlumat verərək, bunun Rusiyanın genişmiqyaslı hərbi müdaxiləsindən bəri 2 il yarımdan çox davam edən müharibədən sonra Ukrayna üçün məqbul şərtlər yaratmaqdan ibarət olduğunu deyib.

"Bütün plan tərəfdaşlarımızın sürətli qərarlarına əsaslanır. Plan bu proseslərdəki gecikmələrə deyil, oktyabrdan dekabra qədər qəbul edilməli olan qərarlara əsaslanır", o, Von Der Leyenlə birlikdə keçirilən mətbuat konfransında bildirib.