ABŞ Dövlət Departamenti Livandakı amerikalıları İsraillə “Hizbullah” hərəkatı arasında münaqişənin şiddətləndiyi bir vaxtda ölkəni tərk etməyə çağırıb.

“Cebheinfo.az” xəbər verir ki, ABŞ Dövlət Departamentinin təlimatında deyilir:

““Hizbullah" və İsrail arasında davam edən münaqişənin gözlənilməz xarakteri və Beyrut da daxil olmaqla, Livanda baş verən son partlayışlar səbəbindən ABŞ səfirliyi ölkə vətəndaşlarını Livanı tərk etməyə çağırır”.

Departament bildirib ki, hazırda kommersiya uçuşları mövcuddur, lakin məhduddur.

"Təhlükəsizlik vəziyyəti pisləşərsə, kommersiya uçuş variantları əlçatmaz ola bilər", - deyə məlumatda deyilir.