ABŞ prokurorları bazar ertəsi bildiriblər ki, keçmiş prezident Donald Trampı öldürmək məqsədilə onun Florida qolf meydançasının yaxınlığında silahla gizlənməkdə təqsirləndirilən şəxs aylar əvvəl məktub yazıb, “sui-qəsd cəhdini” təsvir və Trampın öldürülməsi üçün mükafat təklif edib.

58 yaşlı Rayan Rut sentyabrın 15-də Respublikaçılar Partiyasından prezidentliyə namizəd West Palm Beach-də öz meydançasında qolf oynayarkən tüfəngi ağac xəttinə tuşladığı iddiası ilə iki silahlı cinayətdə ittiham olunub. O, hələ vəsatət qaldırmayıb.

Rut bazar ertəsi yerli vaxtla saat 11: 00-da başlaması planlaşdırılan dinləmədə iştirak edir, Prokurorlar hakimdən onu məhkəməyə qədər həbsdə saxlamağı xahiş edəcək.

İclasdan əvvəl açıqlanan məhkəmə iddiasında prokurorlar bildiriblər ki, hadisədən bir neçə ay əvvəl Rutun “dünyaya” ünvanlanmış əlyazma məktubunu atıb.

"Bu, Donald Trampa qarşı sui-qəsd cəhdi idi, amma mən səni uğursuzluğa düçar etdim. İşi başa çatdırana 150 min dollar təklif edirəm” - deyə, şübhəli yazıb.

Prokurorların dediyinə görə, məktub naməlum mülki şahid tərəfindən təhvil verilmiş qutuda tapılıb. Bundan əlavə həmin qutuda döyüş sursatı, metal boru və dörd telefon da aşkar edilib.

Prokurorlar həmçinin bildiriblər ki, Rut bu ay həbs olunanda onun avtomobilində Trampın göründüyü və ya gəlməsi gözlənilən yerlərin avqust, sentyabr və oktyabr tarixlərinin əl ilə yazılmış siyahısı olub.

Onlar deyibr ki, onun cib telefonu qeydlərinin axtarışı zamanı cihazların insidentin baş verdiyi “Trump International” qolf meydançasının və Trampın yaşadığı Mar-a-Laqo kurortunun yaxınlığındakı qüllələrə siqnallar göndərdiyi aşkarlanıb.

Şikayətə əsasən, ABŞ Məxfi Xidmətinin agenti silahı görüb, Rutun istiqamətinə atəş açıb və bu, şübhəlinin qaçmasına səbəb olub. Rout daha sonra Florida şossesində həbs olunub. ABŞ rəsmiləri Routun qolf meydançasındakı qarşıdurma zamanı atəş açmadığını və bir neçə yüz metr aralıda olan Trampı görmədiyini bildirib.

Hakimiyyət orqanları hələ ki, Federal Təhqiqat Bürosunun 5 noyabr prezident seçkiləri ərəfəsində Trampa açıq-aşkar sui-qəsd cəhdi kimi araşdırıldığını bildirən insidentin motivini açıqlamayıb.

Rut cinayətkar kimi odlu silaha və seriya nömrəsi silinmiş odlu silaha sahib olmaqda ittiham olunur.