Müxalifətin və prezident Salome Zurabişvilinin ittiham etdiyi Gürcüstanın Mərkəzi Seçki Komissiyası oktyabrın 26-da keçirilən parlament seçkilərinin saxtalaşdırılması ilə bağlı araşdırmaq aparılması xahişilə Baş Prokurorluğa müraciət edib.
TASS xəbər verir ki, bu barədə Mərkəzi Seçki Komissiyasının məlumatında deyilir.
“Gürcüstan prezidentinin, siyasətçilərin və maraqlı tərəflərin dediklərinin, eləcə də seçki saxtakarlığı ilə bağlı yayılan məlumatların doğru olub-olmadığını müəyyən etmək üçün hərtərəfli və obyektiv araşdırma aparmaq lazımdır. Bu, MSK-nın səlahiyyətinə aid deyil. Ona görə də biz Gürcüstan Prokurorluğuna müraciət edirik ki, bu iddialarla bağlı araşdırma aparsınlar”, - muraciətdə vurğulanır.