ABŞ prezidenti Co Bayden cümə günü Cənubi Koreya və Yaponiya liderləri ilə görüşəcək və Moskvanın Ukraynaya qarşı müharibəsində və Pxenyanın nüvə təhlükəsinə qarşı daha geniş şəkildə yardım üçün minlərlə Şimali Koreya əsgərinin yerləşdirilməsi məsələsinə "koordinasiya edilmiş" cavabı müzakirə edəcək. Görüş Perunun paytaxtı Limada Asiya-Sakit Okean İqtisadi Əməkdaşlıq Forumu çərçivəsində baş tutmalıdır.

Ağ Evin milli təhlükəsizlik məsələləri üzrə müşaviri Ceyk Sallivan çərşənbə günü Limaya gedən Air Force One təyyarəsində jurnalistlərə bildirib ki, Pxenyanın qoşun yerləşdirməsi "əhəmiyyətli inkişafdır. Biz buna layiq olduğu ciddiliklə yanaşacağıq” deyib.

Sallivan bildirib ki, üçtərəfli sammit liderlərə Pxenyandan istənilən potensial “təxribatçı” hərəkətə, o cümlədən nüvə sınaqları və ballistik raket buraxılışlarına hazırlaşmağa imkan verəcək, çünki ABŞ yanvarda Donald Tramp vəzifəyə gələndə administrasiya dəyişikliyinə hazırlaşır.

Birləşmiş Ştatlar Cənubi Koreya və Yaponiya düşmənlərin müttəfiqlərinə hücum etməsinin qarşısını almağa yönəlmiş “genişləndirilmiş çəkindirmə” siyasətinə malikdir. Bu siyasət Vaşinqtonun onlara hücum edilərsə, potensial olaraq Amerikanın nüvə imkanlarından istifadə də daxil olmaqla, onlara köməyi nəzərdə tutur.

“Limanada keçiriləcək üçtərəfli görüşdə genişləndirilmiş çəkindirmə haqqında konkret bir açıqlama verilmir”, Sullivan bildirib. O deyib ki, üçtərəfli görüş "bu iki ikitərəfli dialoqun bir-birini gücləndirməyə çalışdığından əmin olmaq və aralarındakı boşluq və çatların olmadığını təmin etmək" üçün bir fürsət olacaq.

Liderlərin iqtisadi təhlükəsizlik, kəşfiyyat paylaşımı və müdafiə siyasətinin koordinasiyası üzrə əməkdaşlığı "təsisatlandırmaq" məqsədilə üçtərəfli katiblik yaradılacağını elan edəcəyi gözlənilir. Üçtərəfli dialoqlar 2023-cü ilin may ayında Yaponiyanın Hiroşima şəhərində keçirilən G7 sammiti çərçivəsində, daha sonra isə avqust ayında Kamp-Deviddə başlayıb.

Bu üçtərəfli əməkdaşlıq Baydenin regional təhlükəsizlik təşəbbüslərindən biridir və Seul ilə Tokionun Şimal Koreya və Çin kimi ortaq düşmənlərə qarşı birgə mübarizə aparmalarını təşviq edir.
Sallivan liderlərin üçtərəfli təlimləri gücləndirəcəklərini də bildirib.

"Texnologiya qorunması, təchizat zəncirinin müxtəlifləşdirilməsi, raket xəbərdarlığı və yanlış xəbərdarlıqla bağlı məlumat paylaşımı sahələrində irəliləyiş əldə etmişik/ Bu sahələrdə daha da irəliləyiş gözləyirik" - deyə, o bildirib.

ABŞ, Yaponiya və Cənubi Koreya orduları cümə günü Koreya yarımadasının cənubunda və Yaponiyanın qərbində birgə təlimlərə başlayıb. Bu, Bayden administrasiyası dövründəki son təlimlərdir.

Trampın ilk prezidentliyi Şimali Koreya lideri Kim Çen In ilə daha dost münasibətlər qurulmasını təşviq etməsi və Tokio ilə Seulu ABŞ müdafiə yükünü daha çox paylaşmağa məcbur etməsi ilə tanınırdı.

Trampun yenidən seçilməsi ərəfəsində ABŞ və Cənubi Koreya 2026-cı ildə Seulun ABŞ qoşunlarına dəstək üçün 1.19 milyard dollar ödəməsi barədə yeni bir razılaşma imzalayıb. Bu, əvvəlki ildən 8.3% artım deməkdir.