Ermənistanın Gümrü şəhərində keçiriləcək seçkilər ətrafında siyasi fəallıq pik həddə çatıb. Tribunainfo.az xəbər verir ki, hakim Mülki Müqavilə Partiyasının namizədi Sarık Minasyna və müxalifətin nümayəndəsi Vardan Qukasyan arasında gedən mübarizə az qala toqquşmaya qədər çatıb.

Hərçənd bu seçkiləri daha da qarışdırıb, Ermənistanda yeni bir hərəkat başlatmaq istəyən qüvvələr də var. Bunu elə erməni siyasətçilər də etiraf edirlər. Məsələn, deputat Samvel Aleksanyan deyir ki, Ermənistanın keçmiş prezidentləri Serj Sarkisyan və Robert Koçaryan mütəmadi olaraq, müxaliflərlə görüşərək, onlara bir sıra təklifllər verirlər. “Serj və Köçəryanın adamları gəlib bizi inandırmağa çalışırlar ki, Gümrüdə keçirilən bu seçkilər guya, Qarabağla bağlıdır. Biz də özlüyümüzdə sual edirik ki, bu seçkilərin Qarabağa nə aidiyyatı var?”.