ABŞ prezidenti Donald Tramp Çindən idxal olunan mallara 54% rüsum tətbiq etdi. O düşünürdü ki, bu addımdan sonra Si Tsinpin danışıqlar tələb edəcək və Tramp güc mövqeyindən həm iqtisadi, həm də geosiyasi məsələləri müzakirə edə biləcək.
Lakin Si bu blefə və şantaja aldanmadı – əksinə, bu gün çox sərt cavab verdi:
Çin 10 aprel tarixindən etibarən ABŞ-dan idxal olunan bütün mallara 34% rüsum tətbiq edəcəyini açıqladı.
İndi Trampın geri addım ataraq danışıqlar masasına qayıtmaqdan başqa yolu qalmır.
Bununla yanaşı, Çin Avropa İttifaqı, Yaponiya, Kanada və Cənubi Koreya ilə ticarət əlaqələrini genişləndirməyə hazırlaşır.
Aİ-dən də Trampa sərt cavab gözlənilir.
Trampın Siyə cavabı isə sadəcə sosial şəbəkədə paylaşdığı statusla məhdudlaşdı:
> "ÇİN SƏHV ETDİ, O PANİKAYA DÜŞDÜ – BU ONUN ETMƏYƏ HAQQI OLMAYAN YEGANƏ ŞEYDİR!"
Kanada hücuma keçir
Kanadanın Baş naziri Karni bəyan etdi ki, ölkəsi ABŞ-ın yerini tutaraq yeni dünya lideri olmağa hazırdır.
O həmfikir dövlətlərdən ibarət "alternativ axtaran" koalisiya yaratmaq niyyətində olduğunu açıqlayıb.
Karni vurğulayıb ki, Kanada Trampın tariflərinə elə cavab verəcək ki, özünə minimal, ABŞ-a isə maksimal zərbə dəysin.
Kamran Cəfərov
TEREF