ABŞ-ın Ukrayna və Rusiya arasında müharibəyə son qoymaq üçün vasitəçilik səyləri uğursuz olarsa, başqa ölkələr də vasitəçi rolunu oynaya bilər.

UNİAN xəbər verir ki, bu sözləri Polşanın xarici işlər naziri Radoslav Sikorski deyib.

"Əlbəttə, biz Birləşmiş Ştatlara vasitəçilik səylərində uğurlar arzulayırıq. Lakin bu yol uğursuz olarsa, başqa namizədlər də var. Kommunikasiya kanallarını saxlayan Türkiyə var. Bundan başqa hər şeydən əvvəl, Putini danışıqlar masasına oturtmaq üçün unikal vasitələri olan Çin Xalq Respublikası var", - Sikorski bildirib.