“Rusiya hələ də Prezident Volodimir Zelenskinin Rusiya prezidenti Vladimir Putinlə Türkiyədə birbaşa görüş keçirmək təklifinə cavab verməyib.”

Bunu Ukrayna prezidenti Volodimir Zelenski deyib.

"Ukrayna hər zaman diplomatiyanı dəstəkləyib. Mən Türkiyəyə gəlməyə hazıram. Təəssüf ki, bu günə qədər dünya Rusiyadan atəşkəs təkliflərinə dair aydın cavab almayıb. Rusiya tərəfinin hücumları və bombardmanları davam edir. Moskva birbaşa görüş təklifinə bütün gün cavab vermədi. Bu, olduqca qəribə bir susqunluqdur. Nə olursa-olsun, Rusiya bu müharibəni bitirməli olacaq və bunu nə qədər tez etsə, bir o qədər yaxşıdır. Qətl və dağıntıları davam etdirməyin heç bir mənası yoxdur," – Zelenski vurğulayıb.

Zelenski həmçinin ABŞ Prezidenti Donald Trampın da belə bir görüşü tam dəstəklədiyini deyib.

"Ukrayna başladığı andan bu müharibəni bir saniyə belə istəmədi. Biz tərəfdaşlarımızla birlikdə təhlükəsizlik məsələlərinə önəm veririk, sülhün bərqərar olması üçün etibarlı təməl hazırlayırıq və diplomatiyanın işləməsi üçün birlikdə hərəkət edirik" – o deyib.