Qətər dövləti öz qapılarını ABŞ ordusunun üzərinə açır.

Strateq.az xarici mətbuata istinadən xəbər verir ki, bu barədə Qətərin Müdafiə naziri Halid el-Atıyye açıqlama verib.

Bildirib ki, Qətər ABŞ-la razılaşmaya əsasən, "El-Udeyd" hərbi bazasını bir qədər də genişləndirəcəklər: "Bu hərbi bazada 2040 ABŞ hərbçisinin daimi qalması üçün hər cür şərait yaradılacaq. Burada ABŞ-ın hava qüvvələri ilə bərabər, dəniz qoşunlarının da gücü artırılacaq".

Nazir "Körfəz böhranı"na da toxunub.

Bildirib ki, bu problemi həll edəcək bir lider var: "Bu problemi həll edə biləcək yeganə lider ABŞ prezidenti Donald Trampdır. O, bir telefon zəngi ilə bu böhranı dərhal aradan qaldıra bilər".