Rusiya iqtisadiyyatı Krımın təminatını həyata keçirmək üçün lazım olan vəsaitlərin təzyiqinə çox dözməyəcək.

Axar.az xəbər verir ki, bunu məşhur ukraynalı jurnalist Andrey Tsaplienko söyləyib.

“Ölkə onsuz da beynəlxalq sanksiyalardan əziyyət çəkir. Tezliklə, ondan beynəlxalq arbitraj məhkəmələri müəyyən ödənişlər etmək üçün tələb irəli sürəcəklər. Digər tərəfdən isə zəifləyən Rusiyadan Şimali Qafqaz, Sibir, Uzaq Şərq, Tatarıstan kimi bölgələrin daha çox muxtariyyət tələb etmək təhdidi var. Kremlin burada iki variantı mövcuddur: ya güc variantı, ya da maliyyələşmənin artırılması. Hər iki variantda Moskva uduzacaq. Güc variantı ölkənin daha tez silkələnməsinə gətirib çıxaracaq. Belə olan halda dotasiyalarla yaşayan Krımı əldə saxlamaq çətin olacaq. Bundan sonra Moskvanın yeganə çıxış yolu yarımadadan imtina olacaq. Bu isə 10-20 il ərzində mümkün ola bilər”, – deyə o bildirib.